يالعقاب اللي على المشراف وسعلي تراني
ضايقِ من عام الأول وأدهله قبلك وأدله
يوم ربي قد كساك بريش وش لك في مكاني .؟
ماتخاف من العقوبه يوم تاتيه وتحله
دام لك جنحان وش تبغي بمشراف البياني
خل مشراف الفقير اللي بلا جنحان خلـه
ذا مكاني يوم رمح الغدر من حره زواني
ما لختالي علي حجه وأنا سلـه
وذا على ماقيل شماعت همومي لابلاني
صاحب(ن) يآكل يديه وهو على مذهب وملـه
لابديته ماحسد راعي الترف وأهل المباني
يحسبون إن فرقهم وآضح علي وأقول لله
سجت(ن) في راس مشرافي وأنا غطرف لغاني
والله أنها في عيوني عن مية فندق وفله
فيه أحس أني على أحسن حال وأني شخص ثاني
وأتحلل من حرام الهم لاجيته وأحلـه
وذا مكاني عقب ماصبري على كبدي كواني
والله أن كني بعد فرقآآآه بين كفوف ملـه
واحد(ن) زله حشاي ومسكنه بين المحاني
مسكنه بين المحاني والحشآ والصدر زلـه
قلتها له قبل لابعده على الشعر يحداني
خايف(ن) مالله يتمم وأعرف أن فلان علـه
قال: خل شكوكك اللي تترك الراوي ضماني
مايصيبك في جبينك من خلقك الله أتشلـه
قلت: ذا والله بلاي أشوف وش مدت زماني
لايكون اللي يكتبلي فآآآرقه من غير زلـه
لاتضيق من التشائم وأحتمالات الأناني
خايف أن أشرب بعد كآس النصر كآس المذلـه
قال: وش تبغي بحكي الحزن والدنيا فهاني
لاتعيشنآ زمان الحزن قبل يحل حلـه
قلت: ماتدري وأنا الداري بعاقبت التماني
غير عاهدني وريحني وأشل الحزن كلـه
قال: شفت الموت لو بيدي ماهو بكفو الخذاني
بس لاتشره علي لالبسوني غصب حلـه
قلت: أجل وأنا وفآي من الجدي حتى اليماني
مأرتضي غيرك ولاضنه ولاضني لاباللـه
((قال أجل سلم على روحك وأنا كلي تهاني
يوم عرسك والله أن أهل مجدولي وأفلـه))
وراحت سنين التلاقي مشيها مشي الثواني
مادرى عن سرنا ألآآ ضل محبوبه وضلـه
غير حول يالعقاب وخل مشرافي تراني
ضايق(ن) من عام الأول وأدهله قبلك وأدلـه
قلتها ماقصدي أنه يقال صح الله لساني
قلت العيون من سبب كتابتها لعلـه
<~ يعني صدّقني
الرئيسية
